陳國邦和徐肇平最近在ViuTV新劇《身後事務所》首度合作，劇中他們飾演同性伴侶，阿邦話覺得角色變化大夠特別而接拍；而肇平就坦承本身怕被定型都有猶豫是否演出，反而是媽咪黃淑儀鼓勵，「佢話我拍住阿邦一定學到嘢。」合作後阿邦還大讚作為新人的肇平表現，就算拍親熱戲都夠投入夠放。 採訪：杜淑霞 服裝：尺渡(陳國邦)、Club Monaco(徐肇平) 場地：Shine
阿邦早在96年電影《假男假女》，已演繹過同性戀角色，今次因角色「迪文」由跟女學生發展師生戀的老師，到後來變成愛上同性的「Jeremy」（徐肇平），「角色變化好大，作為演員都會想演些夠過癮而接拍特別啲角色。」
而肇平去年在Viu劇集《瑪嘉烈與大衛系列-前度》演過同性戀的「浩然」，就擔心被定型，「演任何性取向角色冇問題，只係怕連續演會局限咗，係媽咪鼓勵，佢話『你同阿邦合作一定學到嘢』，果然第一次見佢氣場已經好專業，反而令我容易放鬆同投入感情。」
互相信任最緊要
阿邦同肇平媽咪黃淑儀合作得多，反而同肇平卻是第一次合作，但他大讚這個後輩表現，「首先好多謝佢媽咪GiGi姐咁讚我，但佢作為新人，都表現得好好，佢勤力又專業，外型又好，真係令我好驚喜，原來佢喺加拿大都有修讀過戲劇課程，所以佢明白要信任對手，大家先至可以投入到感情。」故此劇中兩人有不少親熱戲份，甚至要咀嘴一樣冇問題，阿邦話：「對手互相信任，演起情侶就算有咀戲，一樣表現得好自然好放，完全唔會尷尬。」
來源網址 : 星島頭條