羅敏莊今日同囡囡陳禛去商台接受訪問，之前打算出唱片嘅陳禛，喺臨近聖誕節，錄製聖誕歌唱碟送畀朋友，羅敏莊話：「本身錄唱片已經做咗6首，佢想唱Beatles啲歌，但我哋拎唔到版權。就快聖誕，想錄歌再配合聖誕卡送畀朋友同佢嘅同學，但印唔切卡，只造咗碟。」
羅敏莊仲話隻碟係老公陳國邦提議，想錄低女兒把聲留回憶，陳禛咁活潑，入錄音室都可以定定哋錄兩、三個鐘。至於今年只得5歲嘅陳禎想唔想大個做歌手？佢話：「我想做老師，可以教人。」
更多娛聞，喺晒《娛果》http://fb.com/appledailyent