陳禛啲得意表情真係好搶鏡呀！
藝人陳國邦帶埋囡囡陳禛出席活動，陳禛向來都有表演欲，喺爸爸接受訪問期間，佢就不停整色整水，狂擺甫士，除咗舉V、舉Yeah、睩大對眼、伸脷、嘟嘴，應有盡有，簡直萌到爆！相信在場人士掛住睇陳禛嘅得意表情，都完全聽唔到陳國邦講乜。如果想睇到陳禛一連串萌爆表情，咁就一定要去片啦！
【有表演慾】慎重考慮俾陳禛入行 陳國邦：唱歌較容易實踐
陳國邦同囡囡陳禛今日去到青衣為奇妙電視節目《冇大冇細》進行拍攝，老婆羅敏莊亦有到場支持。
陳國邦話阿女陳禛喺2歲幾嗰陣，同阿媽一齊拍過節目，今次係首次同爸爸拍，阿女大咗之後比較容易控制。陳國邦表示，甚少機會自己一個帶埋阿女出街，多數都係一家人行動，現時5歲幾嘅陳禛話：「我跟過媽咪去日本旅行，爸爸帶過我公西貢玩韆鞦。」陳國邦話阿女雖然有表演慾，但係都需要慎重考慮先至會俾佢加入娛樂圈：「爸爸係演戲，媽媽唱歌，我哋唔係一般家長，因為我哋知道工作環境，我驚我對演出水平嘅要求比導演仲高，相信唱歌較容易實踐。」
