藝人羅敏莊（Mimi）携同囡囡陳禛出席有線節目《帶阿B去旅行》記者會，老公陳國邦亦有到場支持。期間陳禛影相時大擺招牌甫士，令全場被萌倒。
訪問時，Mimi透露本月27日便會出發，拍攝5至6日後會繼續逗留當地旅行，更感謝有線方面請她全家去旅行：「其實仲請埋我媽媽，但佢啱啱做完化療，所以擔心佢未必應付到。」又指國邦將為無綫拍攝一年處境喜劇，所以今次便當作年度旅行。問到國邦能否在節目中出鏡，她坦言：「因為合約問題就未必上到，但可能會有啲對答。（同TVB申請咗？）有同TVB講，出鏡就唔得㗎喇，但會知道佢喺度。」
談到如何在外地湊女，Mimi就指囡囡並非太曳：「叫佢擺甫士都肯，但睇到吸引嘅嘢就難啲去Control佢。（唔使鬧？）佢幾錫我，我嬲嘅話佢會話『媽媽唔好嬲啦，Sorry』，比爸爸仲快Say Sorry。」又笑謂會借節目澄清囡囡是天生曲髮，非後天加工，曾被人話太早幫囡囡電髮的她更謂：「我都係孿毛㗎，係大個吹到咁咋！」
