藝人羅敏莊與女兒陳禛以及胡鴻鈞到藍田出席母親節活動。羅敏莊獲媽媽及老公陳國邦到場支持，而陳禛更即場多次獻吻，場面sweet爆！
羅敏莊與陳禛受訪。談到這個母親節，羅敏莊謂：「昨晚都同家中嘅媽媽們食咗大餐，聽日陳禛要返學，唔想搞到咁夜，我都要做「陪瞓員」。（佢送咗乜畀妳？）畫畫，同埋送花。」她又謂近來對帶團到泰國睇樓愈來愈有興趣，自己則在曼谷「日本人區」置了業：「貪嗰度乾淨啲。有錢都想再買，對芭堤雅等度假區都有興趣。」陳禛表示暑假想到泰國旅行：「因為好多嘢玩同食，游水呀。」
胡鴻鈞下廚氹阿媽
胡鴻鈞則表示晚上會返家下廚：「煎蝦，上次媽咪食過話好味，同埋食完大家仲身體健康。（送乜禮物？）媽咪話想去歐洲旅行，又話爸爸好慳，咁我話請囉，預咗5位數字尾。我阿媽一聽到我話請，佢就行咗去嘞，多句都唔講！」他又指去年曾與家人到澳洲探望姐姐，但今年未知能否成事：「我每次去完旅行都心散，依家啱啱集中精神就唔想郁住，努力工作先啦！」
來源：東網