藝人羅敏莊（Mimi）與囡囡陳禛在大埔出席活動，Mimi笑指影相時大擺甫士的囡囡表演欲旺盛，最近更在家中戴住Headphone左扭右扭載歌載舞：「冇特登去學，應該係佢喺平板電腦度睇片學番嚟！」
唔畀囡囡贏唔使瞓
她又大爆囡囡現在每晚都在睡房搞歌唱比賽，向自己挑機之餘更讓老公陳國邦做評判：「公布結果時會手拖手，扮緊張。我哋都想畀佢知輸咗唔緊要，所以有時我贏有時佢贏，但我贏佢就唔忿氣，會問可唔可以比（賽）多次，都要畀佢贏，唔係嘅話就唔使瞓。」她又笑指囡囡是最有潛質的藝人，曾向老闆王祖藍講笑話可以順便考慮與陳禛簽約。
奧比斯香港 Orbis Hong Kong
羅敏莊 Mimi Lo 今日帶埋囡囡陳禛出席 #奧比斯 飛一般嘉年華，非常得意可愛嘅陳禛仲接受蒙眼挑戰，親身體驗下眼疾人士嘅世界，之後陳禛仲話要同媽咪一齊幫助眼疾小朋友!
嘉年華聽日(3月19日) 12nn – 7pm 會繼續係 大埔超級城 舉行，各位大小朋友記住黎支持啦!
https://www.facebook.com/ORBISHongKong
