藝人陳國邦與太太羅敏莊（MiMi）出席活動，與現場的準新人分享夫妻相處之道，國邦笑說：「我哋會隨住大會嘅問題先知講咩，但難唔到我哋嘅，請得我哋嚟，即係我哋喺大家心目係幾好嘅形象。」MiMi就表示日前與黎瑞恩及江欣燕（欣欣）食飯，席間亦有談到夫妻相處之道：「佢哋2個婚姻都有啲問題，席上得我係ok，佢哋經歷咗呢啲事所以有啲可以分享，我覺得欣欣佢講嘅嘢好啱，兩個人相處如果對方唔能夠改變，咁你就要自己改變，咁先可以行落去。」問到MiMi是否經常要遷就國邦？她指不是遷就，而是配合對方的性格，但不會覺得委屈。
提到國邦之前在節目《1+1的幸福》中向MiMi作愛的剖白，又再次發表「願意以羅敏莊為我合法妻子」誓言，令在場的人都感動爆喊，MiMi笑說：「冧呀，去街市買餸啲阿姐都話『你就好啦，有個咁錫你嘅老公，我老公唔講架』，街市啲男士依家好憎佢，但其實我老公都好少講嘅。」國邦指有些說話要在適當的情況才能講，又笑謂：「MiMi喺街市番嚟同我講咗呢件事之後，我都覺得我嗰日害咗啲男士，真係唔好意思喇。」
