藝人陳國邦與太太羅敏莊到新蒲崗出席環保活動，兩人在台上與司儀陸浩明分享時，四歲女兒陳禎在台下指手劃腳撐場，非常可愛！
囡囡好聽話
兩人受訪時表示他們在家中也會盡量環保，自己會準備食物盒及水樽，減少浪費，他們又大讚女兒很乖很聽話，不會扭計買太多玩具，羅敏莊說：「學校教得好先真！佢會知咩回收桶係咩色，唔抗拒，當小朋友覺得呢樣係生活一部分，就唔會成為壓力，有時買嘢小朋友可能想買好多，我哋會教唔可以浪費。」陳國邦說：「開頭囡囡係會有少少唔開心，但依家習慣咗，買嘢之前會問屋企有冇呢樣嘢先？如果兩樣都冇，係咪要買晒先？佢依家只會揀一樣嚟買。（變慳妹？）唔係講平與貴，係數量，好多親友都讚佢好乖，我哋都好光榮。」
自律用環保袋
對於活動推動固體廢物收費，兩人都表示贊成，陳國邦說：「呢樣比較直接，用金錢衡量，會多好多人關注，其實最後大家係會慳咗錢。」羅敏莊說：「好似之前收膠袋附加費，都有好多意見，但的確令更多人自律咗用環保袋。」
