「《尋秦記》謝票三寶」滕麗名、陳國邦及黃文標日前為《唐坊》新店開幕擔任剪綵嘉賓，由於「尋秦效應」的關係，現場還吸引大批粉絲及途人圍觀拍照。談及飲茶的情意結，黃文標指兒時經常與爸爸到傳統茶居飲茶吃一盅兩件，笑言長大後才開始飲咖啡。提到早前曾透露患上柏金遜症，他表示在深圳接受治療，情況穩定，「OK嘅，有食藥，隻手都冇咁震，嚟緊仲要返上去覆診。」
至於滕麗名和陳國邦自小已喜愛飲茶文化，阿滕說：「細個嗰陣，我會好早起身，自己一個人晨早六點幾就落去霸位，因為淨係得飲茶先可以咁耐時間黐住爸爸媽媽。」她笑言婚後要求丈夫做「茶腳」，最後都不成事，「因為拍《愛．回家之開心速遞》啲時間唔定，唔係咁容易去到。」而近年於泰國定居的陳國邦指，當地有不少中式酒家，間中亦會一家三口齊齊飲茶，「我個女都幾孝順，佢好樂意陪我同Mimi（羅敏莊）飲茶食飯。」
對於母親節當日，滕麗名興奮表示早上已獲「哎吔仔」周嘉洛親自上門送花，她笑說：「我好開心呀，一早已經有人同我慶祝母親節。」陳國邦則指向來與太太羅敏莊都沒有節日概念，因此未有特別為太太準備母親節禮物，「我知道今日（10/5）要做嘢，上星期已經同我媽咪食咗飯慶祝。阿女都冇特別準備禮物畀媽咪，不過Mimi不嬲都無咩所謂，因為我哋日日都咁好。」
