藝人羅敏莊（Mimi）到鑽石山擔任童星比賽決賽評判，老公陳國邦和女兒陳禛亦有陪同，合照時陳禛動作多多，連一眾大人都被比下去。Mimi與陳國邦十指緊扣受訪，談到之前Mimi受訪時大讚老公靚仔，陳國邦笑說：「讚我做戲好過！」Mimi回應說：「做戲唔使我讚你嘛！」
實地考察
Mimi透露前一天由曼谷返港，陳國邦大讚當地的學校夠大，設施夠多：「Mimi個師妹三兄弟姊妹都喺嗰度讀，一聽到我哋去參觀都好推薦，間學校已經好多年，佢哋讀得好開心，師生關係好好。」說到當地學費較為便宜，Mimi坦言數百萬元對他們是夢幻數字，但數十萬仍有能力負擔。
計劃兩年內走
問到陳禛反應如何？陳國邦指女兒暫時沒所謂：「佢好開心同Enjoy，我哋作為父母睇到咁好嘅環境，想幫佢完成自己嘅心願。不過都冇咁快，計劃緊，可能兩年內。我哋以囡囡為先，到時Mimi可能去陪佢。」Mimi用手機向記者展示女兒在泰國學校參觀的照片：「佢同我朋友個仔玩，都係香港人，喺嗰邊讀書。」至於暑假，Mimi指陳國邦要排練舞台劇，稍後自己會和女兒去沖繩。
