陳國邦、羅敏莊（Mimi）帶同女兒，與Dino一家三口及陳明恩出席港台活動，Mimi透露女兒陳禛將升K1，但不會心急為囡囡物色名牌小學，皆因本地小學功課太多，故有意送她到外國讀書。她說：「本想舉家移居泰國，那裏有國際學校，物價也是可負擔水平，但剛發生爆炸慘劇，要看看當地局勢才決定。」
至於Dino表示太太將於兩周後剖腹生產第二胎，他會減產陪老婆坐月，更會體驗坐月不能洗頭的苦況，但他笑言不洗頭正中自己下懷。（攝影：彭形影）
來源 : 星島頭條
唔使囡囡讀名校 羅敏莊考慮移民泰國
藝人羅敏莊（Mimi）與老公陳國邦及囡囡陳禛出席電台活動，透露囡囡今年新學期讀幼稚園K1，去年上預備班時他們會送她上學，今年希望讓囡囡嘗試搭校車。她表示囡囡這次原校升上幼稚園，直言自己較懶惰，希望一切隨緣：「我同老公都怕因為囡囡嗌交，所以佢未出世已經講定有乜要坐低傾，我哋都好隨緣，之前住個屋苑樓下有幼稚園就揀。」
她又指沒想過特別要選擇名校校網區的學校，反而覺得小朋友開心成長較重要：「一啲主流學校有十幾樣功課我接受唔到，以前我未試過做功課到11點，想小朋友輕鬆啲。」對此Mimi有考慮帶囡囡到外地讀書，曾考慮移民泰國：「一來我好鍾意，二來我承擔到個學費，如果真係實行嘅依家要Plan，但前排爆炸又要睇定啲，不過當地人好和善，好有好感，睇好呢個國家。」
