戲劇大師鍾景輝（King Sir）昨日筵開六十席迎接其八十大壽，學生黃秋生、朱茵、萬梓良、王祖藍及好友李添勝、陳寶珠、楊天經及太太吳文珊與黎耀祥等到賀，簡直係星光熠熠！
喺咁多演藝界人才聚首嘅生日飯局，就連四歲嘅星二代陳禛都有跟住阿爸陳國邦同阿媽羅敏莊出席，今日仲喺社交網甫相，差不多全部都係陳禛同唔同藝人嘅合照，當然一定有同King Sir嘅合照，陳禛亦好識做送上肉嘴，親親八十歲嘅King Sir。之後佢又同薛家燕、黎耀祥、毛舜筠等合照，直頭好似係佢嘅集郵大會咁，不過陳禛咁Cute，個個artist都勁like佢，合照就當然唔會托手肘，仲好肉緊咁張張都同陳禛面貼面，這些機會……真係令人勁羨慕！
