向來錫囡囡陳禛錫到燶的羅敏莊（Mimi）與陳國邦，昨日陪囡囡在學校開派對預祝農曆新年。Mimi笑指現場氣氛相當熱鬧，除了有舞獅表演，更有老師及工作人員即場寫揮春、整蘿蔔糕，又有很多充滿新年氣氛的攤檔及擺設，令陳禛玩得相當盡興！
開P最愛寫大字
為了讓囡囡更加投入，Mimi除了幫囡囡準備了極具新年氣氛的傳統中國服裝外，自己亦以格格造型「登場」。更搞笑的是，Mimi勒令老公陳國邦為囡囡即場「變身」：「其實阿邦着嗰件財神衫原本係校長嘅，我見咁有氣氛，咪逼阿邦着嚟影全家福咯。」而問到陳禛整個派對最好玩的地方，她竟表示是寫揮春，果然是非一般小朋友，陳禛謂：「個Party好好玩呀，見到好多同學仔。我最鍾意寫揮春，我寫咗『大吉大利』，啲人都有讚我啲字靚呀！」Mimi更向記者展示禛禛的「傑作」，只得四歲人仔的禛禛，雖然在工整度方面仍有待改善，但字體已相當見得人，更在字裏行間流露霸氣，相信與她平時愛玩App練寫字大有關係。
炮製賀年菜款待親朋好友
Mimi又透露今年將留港度歲，而自誇煮得一手好餸的她，笑言今年做足準備大宴親朋：「我準備咗好多嘢食呀，發定咗花膠啦，鮑魚仔啦，又買咗好多年貨啦，連靚煲都買埋，到時會煮啲拿手小菜畀朋友食，好似冬菇炆花膠咁，不過最主要都係想整畀阿女食。」Mimi又謂每年必定幫阿囡儲起利是錢，用作之後買阿囡喜歡的東西用，果然廿四孝媽咪。
