陳國邦與羅敏莊前晚發生五車連環相撞的交通意外，羅敏莊撞傷手，陳國邦就傷了腰骨，二人事後入了醫院檢查，昨日陳國邦已恢復開工，但羅敏莊因為手痛要睇跌打，故向公司請假休息。
意外發生於前晚深夜11時55分，現場是三號幹線青葵公路當時一部貨櫃車拖頭因故停在路中，陳國邦駕駛的本田私家車（KW5XX1）載著女友羅敏莊沿青葵公路往九龍方向行駛，當發現拖頭車停在前面時立即煞掣，而尾隨的四部車亦相繼相撞，這宗意外導致七人受傷，當中包括陳國邦及羅敏莊，陳國邦腰部及頸部不適，羅敏莊就撞傷手，事後所有傷者被送到荃灣仁濟醫院，陳國邦與羅敏莊在醫院逗留至凌晨3時才回家休息。
以為今次死梗
記者昨日聯絡上兩人，談起這宗意外，他們猶有餘悸。陳國邦表示，前晚他們在清水灣電視城收工後，一齊去了屯門跟他的家人食飯，事發時正是他們回程出市區，相當驚險。陳國邦說：「當我見到前面停了部拖車時，我已經即刻煞掣，但天雨路滑煞唔切，當時我最擔心MiMi（羅敏莊），因為佢個位撞正拖頭，心諗今次死梗，撞完之後見到車頭玻璃碎晒，我自己條腰同頸都好痛，望吓身邊人冇事先放心，然後有人走上來問我們有冇事，重合力幫我們打開車門，救我們出來，然後我就打電話報警，後來見個電話有血，先知原來耳仔側邊損了，部車撞成點我都唔知，因為當時好亂，部車依家俾人送去檢驗，但我想起當時情況重好驚。」
而羅敏莊本來昨日一早要開工拍《樊梨花》，但因為手受了傷，要去睇跌打，故此向公司請假。她說：「前日好邪，返到電視城見到好多好耐冇見的同事，食飯又見到好多好耐冇見的人，好似臨走前要見晒所有人咁，點知夜晚就撞車，我睇住自己撞埋去，以為一定會死，但又即刻想到自己重有好多事未做，好唔抵，好彩後來冇事。」她表示自己信基督教，已第一時間祈禱，而媽咪拜神，亦為她還神。
來源：成報
陳國邦羅敏莊等後福到
無線男藝員陳國邦和女友羅敏莊昨晨在葵涌遇上交通意外，兩人駕私家車沿青葵公路行駛時，鄰線一輛貨架拖頭懷疑失控，突「甩尾」橫亙三條行車線，尾隨三輛私家車及一輛客貨車收掣不及，連環相撞，當中包括陳國邦的座駕，而他和女友受輕傷，經敷治後無礙出院。
陳國邦昨午照常為無線新劇《樊梨花》開工。他提起今次意外猶有餘悸：「諗番都好驚，架貨車打橫之後我哋係第一部車撞埋去，我仲撞到嗰貨架，撞咗埋乘客位，嚇到Mimi（羅敏莊英文名）嗌晒，話實死o勒！好彩冇事，只係擦親吓皮外傷，條頸照過Ｘ光都冇嘢。我哋傾番都話好好彩，仲開玩笑今次大難不死，唔知後福幾時嚟！」
而昨日因雷暴取消通告不用返工的Mimi就透過電話回覆：「諗住死梗，但吉人天相，仲覺得冥冥中有主宰，因為通常係開我架七人車返屯門男友媽咪屋企食飯，慳油啲，咁橋今次開男友架車，車身長啲、鋼水又好啲，先至咁好彩，所以好感恩，又感動，想喊咁滯，仲叫阿媽即刻去還神添。」
來源：東方日報
藝員陳國邦羅敏莊受傷
文： 周鳳儀 08/06/2003
陳國邦和羅敏莊前晚凌晨時分，駕車在荔枝角青葵公路撞向一架突然失控跣胎橫亙路上的貨櫃拖架，再遭尾隨的私家車撞正，險變人肉三文治，幸傷勢無大礙，而陳國邦昨日亦已返電視城開工。
陳國邦昨日繼續返電視城為《樊梨花》開工，他講述驚險車禍意外時仍猶有餘悸：「我們夾正V字位，仲以為自己今次死梗，Mimi（羅之洋名）事後仲同我講如果真係就咁死咗，真係好唔抵！」
由於座駕被兩車夾住，令他兩人無法自行走出車廂，他無奈地說：「當時真係唔知可以做乜，因為我們又開唔到車門，只有等消防員救我們，出到後先知咁大鑊，五車連環相撞，我同Mimi驚到坐在路邊唔敢郁。」
女友放假養傷
意外令陳國邦的頸、頭和手部均有受傷，而女友Mimi則傷勢較輕，只是手腕有少許紅腫。昨日國邦展示傷勢時笑言眼睛看不見，他說：「好彩我們傷勢都無大礙，算係不幸中的大幸，今次能夠大難不死，我都希望等返幾時有好運嚟！」
陳國邦昨日仍繼續開工，原本女友Mimi亦要一早開工，但因天雨關係，《樊梨花》外景臨時取消，令Mimi有一日假期，可以好好養傷。她在電話中自言自己夠大命：「原本我們係開我駕細車，好在最後換了阿邦架大車，如果唔係一定死梗！不過，真係，啋！啋！啋！」
肇事現場在青葵公路往九龍方向，一輛貨櫃拖車疑因天雨路滑失控，突然全車橫馬路上，陳國邦和羅敏莊的私家車剛駛至，收掣不及撞向車架，尾隨的寶馬私家車亦收掣不及，導致五車連環相撞，七人受傷分別送往仁濟及明愛醫院治理。
來源：太陽報
車禍後怕咗大貨車
陳國邦吸塵機除髮中玻璃碎
黃江奇攝
陳國邦前晚駕車途經青葵公路時，不幸發生五車連環相撞意外，陳國邦座駕嚴重損毀，他表示要用吸塵機除去頭髮內的玻璃碎，並謂以後見到大貨車時會加倍小心。
陳國邦前晚駕駛其極品（Acura）房車與女友羅敏莊到屯門父親家晚飯，提早慶祝父親節，沒料到他們返回西貢家途中，路經青葵公路時，發生五車連環相撞的交通意外。
陳國邦的座駕撞向前面一輛失控的貨櫃車，導致全車盡毀。陳國邦與羅敏莊被玻璃碎片割傷，即時被送往仁濟醫院，敷藥後已出院。
昨日下午陳國邦返將軍澳電視廣播城開工，記者見他左臉上留有傷痕，他表示扭傷頸部而隱隱作痛。
陳國邦提到前晚事發時仍有餘悸說：「噚晚我同女朋友返屋企食飯，點知喺三號幹線行緊嘅時候，前面部貨車因為天雨路滑跣軚，成部車打橫攔住條路，雖然我當時已經揸得好慢，但都煞唔切掣撞埋去，成部車totallost！」
警察教路
陳國邦表示，由於車身所有玻璃盡碎，他與羅敏莊撞車後滿身玻璃碎片，車門亦打不開，要途人把門撬開將他們救出，然後報警召救護車把他們送往仁濟醫院，陳國邦說：「我真係要多謝噚晚嗰位警察，噚晚我哋成身都係玻璃碎，我落車之後，即刻除咗條褲掃走玻璃碎，後來有位警察提醒我哋，一返屋企唔好即刻沖涼洗頭，因為我哋啲頭髮可能重有好多玻璃碎片，如果就咁就洗頭，分分鐘會割傷，結果我哋返屋企之後用吸塵機吸個頭，發現真係有好多碎片喺度。」
陳國邦指自己扭傷頸部和割損左臉，羅敏莊則額頭受傷，二人在醫院照Ｘ光後，知道沒有大礙便出院。
照樣開工
陳國邦昨日返無綫開工，因只是拍攝文戲，為免影響拍攝進度，他才沒有請假。不過，昨日他駕駛羅敏莊的座駕返工時，竟因為今次交通意外而留有陰影，每當見到大貨車時，竟有害怕的感覺呢！
採訪：戴彩煥 攝影：陳志嵐
藝員陳國邦羅敏莊受傷
青葵公路 五車相撞
藝員陳國邦羅敏莊受傷
【本報訊】青葵公路近荔景地鐵站對開，昨深夜發生五車連環相撞意外，共釀成七人受傷，當中包括無電視藝員陳國邦及羅敏莊，其中羅敏莊額頭受傷流血。警員及救護員到場，將傷者送院治療。
七傷者困車內
意外發生於昨深夜十一時五十五分，一輛寶馬房車，沿青葵公路往九龍方向行駛，當駛至荔景地鐵站對開時懷疑失控，尾隨的一輛本田房車、一輛拖四十呎長貨架的拖頭及一輛客貨車和一輛私家車懷疑煞掣不及，發生頭尾相撞，七名男女被困車內，並有車輛冒煙。
警員及消防員到場，將傷者逐一救出，當中包括坐在本田房車內的無電視藝員陳國邦及羅敏莊，其中羅敏莊的額頭受傷流血。兩人與其餘五名傷者，事後均被送往仁濟醫院治療。羅敏莊及陳國邦曾在劇集《雲海玉弓緣》演出。
以上圖文來源:蘋果日報2002年06月7日