陳國邦同陳凱琳交換睇《星星》觀後感
 陳國邦唔單止教後輩陳凱琳（中）做戲，更齊齊交換睇完《星星》的感覺。 |
藝人陳國邦為新劇《商戰》到中環取景，他透露較早前已跟黎耀祥拍了一場爭執戲份：「我仲摑咗祥仔後尾枕一嘢，所以依家就拍我家姐關菊英喺架車向我訓話。」談到此劇是講商業利益，問到是否拍攝安全沒有危險場口？他透露：「有，不過唔喺我度，黃浩然就有一場炒車炒到入院嘅戲份。」
談到應屆港姐冠軍陳凱琳（Grace）飾演他的姪女，他表示二人在劇中感情要好，有甚多對手戲，問覺得Grace如何？他笑言暫時未能給任何評語：「因為同佢只係拍咗一場戲，不過作為後輩，佢好好學，會問我好多嘢，之前我同佢都有睇韓劇《來自星星的你》，大家會交換吓意見。（佢有冇怯場？）唔覺佢有，因為佢選港姐時已經好有經驗，對住鏡頭都唔會怯。（過佢兩招拍劇心得？）會同佢講吓做戲啲內容同埋點樣去睇劇本、創造角色。」
再問到正值復活節都要拍劇的他會否錯失帶女兒去玩的機會，他說：「咁同我哋兩公婆啲生活有關，我同Mimi（羅敏莊）一向都冇慶祝節日嘅心，就算係結婚周年都唔慶祝，可能同我哋從事娛樂圈有關。（囡囡會喺冇節目氣氛下成長？）咁佢都係歲半啫，等佢大個咗，我哋就會安排多啲生日、聖誕慶祝，不過遇到好似今日開工咁就冇辦法。」
 |
 |
關菊英兩年冇拍劇 一開波鬧爆陳國邦
【on.cc東網專訊】藝人關菊英為新劇《商戰》到中環取景，拍攝她在車內訓示陳國邦的場口，已有3年冇拍劇的她被問到是否習慣？她笑說：「先啱啱開始拍，仲未開廠景，不過我見到遲啲有場口要開凌晨三點。（要求劇組將時間提早？）呢樣我又唔擔心，佢哋會照顧我o架喇！而且拍群戲有好多人，都就唔到咁多啦。」
談到主角之一的黎耀祥曾表示此劇的賣點是靚人靚景，問到菊姐會否出動私伙時，她說：「有呀，都會預備衫、手袋、首飾咁，盡量配合角色，況且公司啲衫都唔多。」
談到她與應屆港姐冠軍陳凱琳飾演母女，她大讚對方聰明醒目：「可能佢係港姐，美貌與智慧並重，好識大體，好nice好有禮貌，我第一日同佢拍嘢嗰時見佢已經好快上手，好smart！」
將於下星期六（5月3日）生日的菊姐被問到會如何慶生？她開心說：「都唔知使唔使開工，如果唔使就同家人食餐飯。（會開party？）唔會喇！唔搞呢啲，我係比較靜態嘅人，都係同一班人食餐飯。」問到同性密友周偉利屆時會否有驚喜給她？她大方笑說：「話明係suprise又點會知呢，到時先算啦！（想收咩禮物？）禮物都係其次，冇乜所謂，活到我呢個年紀最緊要就係我同家人都開心健康。」
 關菊英在車內訓示陳國邦，見菊姐個樣好嚴肅 |
 |
陳凱琳處女拍劇畀人摑到喊
 陳凱琳獲陳國邦（左）及菊姐教路。 |
【on.cc東網專訊】港姐冠軍陳凱琳 （Grace）為處女劇《商戰》到中環拍攝外景，而Grace的父母亦有到場探班支持愛女，她表示今次是爸爸首次探她的班：「媽咪就第二次嚟。」談到首次 拍劇，Grace笑言首日拍廠景而留下陰影：「個通告就話拍到凌晨2點半，但係over晒，搞到最後我6點先返到屋企，本身媽咪以為我2點半就返所以話等 埋我門，點知遲遲都未返到，佢就好緊張每隔兩個鐘就打嚟問我幾時返。」
她又表示因太攰，故一上到巴士就立刻瞓着，她笑說：「我一落車見到陽光同聽到雀仔聲，望一望錶已經6點。(你多NG搞到遲收？）唔係！我好簡單得一兩句對白，只係廠景set機同燈耐，同埋中間穿插要拍其他人啲嘢，所以先咁耐，之前啲藝人朋友嚇我話拍得耐我都唔信，依家我有經驗，下次會帶定啲音樂同書去打發時間。」
跟關菊英演母女的她被問到對着前輩會否緊張？她說：「唔會緊張，大家都好照顧我，我第一日拍外景時，陳國邦仲教咗啲秘訣畀我，教我點走位，而菊姐都同我講佢有一段時間冇拍劇，都要時間慢慢適應番。」
她又透露早前拍了一個被人掌摑的場口，她說：「對手都有同我講唔好意思，我都話拍戲嘅嘢明白，為咗唔使打咁多次，大家決定咗真打，我仲叫佢落力咁打，最後一take過完成。（痛唔痛？）好痛呀！我從來未試過咁樣畀人打，媽咪都未咁樣打過我，我之後照鏡見到自己有啲眼淚流咗出嚟。」
陳凱琳爆被摑流真眼淚 處女拍劇獲關菊英陳國邦讚
 復活節假期，陳國邦稱一家三口沒特別慶祝活動。（攝影/記者：陳釗） |
【明報專訊】應屆港姐冠軍陳凱琳（Grace），昨日與關菊英click me、陳國邦於中環九號碼頭拍攝新劇《商戰》外景；該場口講述陳國邦郁手打黎耀祥click me後，遭飾演其家姐的菊姐訓話。雖然陳凱琳是演戲初哥，但已獲菊英及陳國邦兩位前輩大讚。而昨日外景拍攝，她更獲父母撐場打氣呢！
首日開廠已留陰影
首次拍劇的陳凱琳，獲父母全力支持，爸爸充當「柴可夫」，媽咪則為愛女對劇本。她直言第一日開廠已為她拍劇帶來陰影：「Rundown本來說到凌晨2時半完，最後Over到6時才返到屋企，媽咪很擔心，隔半小時便致電一次給我。真的好累，回家路上全程都在車上睡覺，之前有些藝人嚇我都不信。」陳凱琳稱首次拍劇大家都很照顧她，陳國邦亦有教她一些走位秘訣，所以不緊張。之前她拍了一場被掌摑的戲，為求逼真，陳凱琳叫對手出力真打，最後一take過。她說：「好痛，媽咪都未試過這樣打我，見到自己有眼淚標出來。」
好學沒有怯場
戲中陳國邦與陳凱琳有不少對手戲，講述二人感情要好。問他對這位演戲初哥有何評價？陳國邦說：「因為只拍了一場戲，暫時不能給任何評語，但作為後輩她很好學，經常問我很多東西，不覺得她怯場，我們又會交換看《來自星星的你》的意見。（過她兩招？）我會跟她討論劇本內容及如何創造角色。」雖然劇集講及商業，但陳國邦透露黃浩然稍後會有場炒車戲。
菊姐生日不搞派對
菊姐對戲中女兒陳凱琳有讚無彈：「她很Nice，有禮物又識大體，美貌與智慧並重，第一日開工已很快上手，很聰明。」菊姐三年沒拍劇，剛開工尚算適應，但之後有些要開到凌晨，可能會辛苦些。有否提出要求早收工？她表示：「我想他們會惜住我，有些群戲無可能遷就我一個，我理解的。」該劇以靚人靚景為賣點之一，菊姐亦出動私伙衫、手袋及手飾配合角色。提到下周六牛一，菊姐稱未知是否要開工，若不用便吃飯慶祝；她自言屬靜態，不會搞派對。同性密友周偉利有何驚喜給她？菊姐笑說：「未知，說了是驚喜嘛！禮物是其次，生日願望希望自己及身邊人都開心健康。」
記者：陳釗