名人親子—— 跟羅敏莊互相提醒 陳國邦不要做怪獸家長


■Mimi平日最愛唱歌仔逗小陳禛玩,估不到連《江南Style》小陳禛都識。

最近在《食為奴》飾演太子的陳國邦,09年跟羅敏莊(Mimi)結婚,12年10月誕下女兒陳禛,雖是上天意外給予的禮物,但兩人為了女兒也專登搬家,希望讓女兒在最好環境下成長。不過,國邦聲言愛錫陳禎,但絕對不會溺愛女兒,更不會強迫女兒學習,會跟太太羅敏莊互相提醒,不想將來成為怪獸家長。撰文:杜淑霞

國邦笑言陳禛只有15個月大,但已看到性格是個開朗寶寶,令他放下心頭大石,「我都擔心佢如果性格似我咁內向,如果係咁就要培養佢做啲唔使點同人溝通嘅工作,譬如做研究或者設計咁,但好彩佢似媽咪性格比較外向,我哋同佢去酒樓飲茶,佢可以全程畀唔同職員抱,我哋專心食嘢都得。」

國邦為免給女兒壓力,暫時仍未安排女兒上學前班,「童年最緊要小朋友開心咁成長,太太同佢玩遊戲,其實同啲學前班差唔多,佢又開心又可以當親子,雖然好多朋友都叫我哋搵定學校,但係我哋唔想太過緊張,最緊要佢讀得開心就得,我同太太仲會互相提醒,唔希望自己變咗怪獸家長。」


■國邦和Mimi坦言有了陳禛後,一切以女兒行先。

■Mimi教了小陳禛兩日,精靈的她穿起唐裝便懂得做「拜年」手勢。

■只要媽咪Mimi一指令「Kiss Kiss」,小陳禛就會主動咀咀爸爸國邦。

■國邦坦言對女兒沒有特別期望,只希望她健康快樂成長。

■國邦和Mimi去年10月替囡囡陳禛慶祝一歲生日。
 

http://news.stheadline.com/