羅敏莊跪低扮狗狗 陳禛小公主like唔like?

自由係人類最想爭取同擁有嘅基本訴求,唔好講到政治咁高層面先,大家扭開個電視都想有多啲選擇畀自己自由揀,演員當然都希望有更多選擇同自由度喺香港發展,等唔使下下都離郷別井返大陸或飛去第二度工作。現時回復自由身嘅羅敏莊(Mimi),今日同演員林澤群去到新城,為下個月公演嘅舞台劇《Dogs》做宣傳,Mimi老公陳國邦仲帶埋囡囡陳禛一齊撐場。

今次舞台劇有個特點,就係全部演員都要扮狗,Mimi話:「今次我哋全部都係扮狗,所以要成日跪、趴喺地下,我哋已經喺比『成熟』嘅演員,所以排咗幾日腰骨已經好痛。」另外今次舞台有較多機關,o依家喺內地搭建緊,劉雅麗提議大家先到內地綵排,Mimi話:「平時會等個台到咗香港先排,但因為今次多機關,所以劉雅麗提議我哋內地排練,之後再去揼骨。」

講到仲會唔會同電視台簽約,Mimi話:「都可以同王生(指王維基)傾下,如果佢開到台的話,相信都會有好多戲拍,但佢依家又好似好多阻滯,其實香港係自由市場,我哋同觀眾都應該有選擇,希望有關方面人士可以隻眼開隻眼閉,俾條生路人啦!」


陳國邦羅敏莊同陳禛小公主幸福一家,見到相都開心。(攝影:譚倩宜)(蘋果日報)

咁多嘢玩,玩邊樣先好呢?

搵爸爸乎?

http://hk.apple.nextmedia.com

羅敏莊扮狗搞到腰酸背痛


陳國邦同囡囡一齊陪媽咪羅敏莊到電 台接受訪問。

羅敏莊到電台宣傳下月公演的舞台劇,她透露該劇主題是宣揚愛護動物訊息,並會連同劉雅麗等演員齊齊扮狗﹕「呢排開始練,劇入面大家要扮狗爬o黎爬去,爬到 腰酸背痛,劉雅麗就提議一齊返內地排,可以排完後dup骨一條龍。」老公陳國邦和囡囡都有陪同到電台,她表示現在開始將湊B重任交給老公,讓她可專心排劇。


on.cc