羅敏莊帶囡囡出埠度聖誕
藝人羅敏莊於九龍灣為冬至晚宴擔任司儀，一身「紅噹噹」登場的她被問到聖誕節有何安排？她即自爆聖誕會帶女兒「過大海」：「聖誕我得一個除夕騷，有大把時 間陪老公同囡囡。過兩日會同佢哋去澳門做嘢，順便玩埋一份（第一次同囡囡出埠？）係呀！帶佢過大海！（驚唔驚雞手鴨腳？）我今次準備充足，帶齊證件。 加上平時會帶佢出街見多啲人，例如同佢去阮兆祥演唱會，佢聽到音樂不知幾enjoy，仲識跳埋舞！」
 羅敏莊陪老公同囡囡過大海度聖誕。 |
 咁多嘢玩，玩邊樣先好呢？ |
以freelance形式做主持 羅敏莊唔會簽死一間電視台
 囡囡陳禛好可愛呢﹗ |
羅敏莊噚晚為一個晚宴活動擔任主持，老公陳國邦同囡囡都有到場。羅敏莊話自己同TVB合約，其實9月已經完咗，不過同官方刊物呢邊關係良好，所以對方就搵佢幫手喎，羅敏莊又話依家係Freelance形式，喺有線做主持，仲澄清唔會再簽死一間電視台添！
佢話：「依家見到王生（王維基）又有機會，聽到呢個消息好開心，因為嗰邊有啲舊同事，依家唔使擔心，希望娛樂圈大家都有得撈，多競爭我哋先有進步同得益，依家我哋退步得太緊要，台灣、內地同韓國發展得好犀利。簽死一間收入一定少咗，藝人都係想要發揮，呢度（指TVB）咁多人邊到我。」
 羅敏莊話唔會簽死一間電視台，因為收入一定會少咗。 |
 哈哈，陳禛扭計。 |