將軍澳電視城參加《決戰一分鐘》遊戲
 陳國邦都好投入 |
薛家燕、糖妹等噚晚喺將軍澳電視城參加《決戰一分鐘》遊戲，贏咗五萬五千蚊，糖妹好興奮話﹕「家燕姐係長勝將軍，黐住佢呢個福星就無死啦。」
而輸家就係黎耀祥、黃浩然同陳國邦，黃浩然最近再添一子，佢透露細仔英文名叫Ransley，中文名就交由外母改，問大仔係咪錫細佬？佢話﹕「好多人話要小心處理，所以我哋幫細佬送咗份禮物俾大仔，老婆陀bb時，亦每晚教大仔同細佬講晚安。」
黎耀祥最近忙拍《巾幗梟雄之諜血長天》，由於要一人分飾兄弟兩角，佢直言好疲倦，問幾時拍被雞姦戲，佢笑說﹕「唔使諗我，係我童年嘅，如果大家鍾意可以開放大家睇。」
 |
 |
 |
||
 |
 |
 |