《大太監》結局由你揀 遺棄版本同樣播  胡定欣恨觀眾賜死

無線台慶重頭劇《大太監》自開播以來,收視一直高企,首周錄得最高36點的佳績,觀眾亦睇得投入,紛紛在網上畀意見,無線見反應好,即時搞搞新意思,決定由觀眾直接揀結局。監製羅永賢坦言,因黎耀祥和米雪飾演的「李連英」和「慈禧」都是歷史人物,改動不能太大,反而胡定欣飾演的原創角色「倩蓉」,將會成為另一結局的關鍵人物,但無論觀眾選擇哪一個結局,另一個結局一樣有得睇。撰文:杜淑霞 攝影:畢紹基


※國邦坦言有恨過奪獎,但思想比較實際,很快便打消念頭。

化妝:Jessica Chan(胡定欣) 髮型:Matt Chiu@Xenter(胡定欣) 服裝:Ted Baker(胡定欣)

《大太監》大結局將會安排在下月16日及17日,一連兩晚每晚兩小時播出,而17日更會安排在商場舉行晚宴,台前幕後將會總動員出席,到時觀眾將會即時看到選擇的結局。監製羅永賢表示,觀眾參與揀結局將會在結局前一星期開始,至於形式還在研究,「無論觀眾揀咗邊個結局,另一個結局都會喺其他時段睇到。」至於專登拍的結局,將只有黎耀祥、米雪和胡定欣參與演出,「定欣可能死,但又可能嫁或者出家,至於其他演員就會用其他剪接形式交代,總之觀眾每條感情線都有得揀。」

定欣寧願死

定欣在劇中下場被拍成兩個版本,正在倫敦拍攝《衝上雲霄2》的她接受長途電話訪問時坦言,對自己的戲成為結局的關鍵人物,感到相當興奮,「我反而鍾意要死嗰個結局,人生本來就係好多變數,唔一定有個好圓滿嘅結局,反而有啲遺憾都唔係壞事,不過都好明白觀眾睇得投入,當然會想個主角有個好結局,所以衣家有得揀係唔錯嘅安排。」


※「彭三順」得「和碩公主」點醒,知道朋友的重要後,將由奸變忠。

定欣雖不是女主角,但戲份絕不輕,08年奪得「飛躍進步女演員」的她,當然希望憑此劇更上一層樓,她說:「我唔敢諗可以提名或者得到女主角獎,但係真係好想今次可以攞到女配角,唔單止係對自己正面鼓勵,最重要係答謝支持我嘅人,攞獎係對佢哋一個交代,證明佢哋支持我係無白費,佢哋選擇係正確,希望到時觀眾會投我一票啦!」

國邦成奪獎熱門

該劇另一個突出的配角,就是陳國邦飾演的奸角「彭三順」,原來他花了不少心思來設計角色,他說: 「佢唔係大奸大惡,我將佢設計為口是心非嘅人,好似佢整到定欣小產咁,佢其實好驚,之後仲託祥仔送藥畀定欣,但係又唔會好聲好氣咁講,學監製話齋,設計好 個角色,佢就會好似有腳咁,自己識行落去。最後彭三順會被和碩公主感動咗,算係由奸變忠。」

國邦入行23年,初出道在電影圈發展,89年先憑《壯志雄心》入圍金馬獎「最佳男配角」,95年再憑《飛虎雄心》提名香港金像獎「最佳男配角」,反而在電視圈公認為好戲之人,卻從未得到提名,現在外界一致認為可以憑「彭三順」在頒獎禮吐氣揚眉奪獎,他卻以平常心看待,「想當然想,即係好似中六合彩咁,有邊個唔想,但係呢啲嘢自己控制唔到,想吓都無謂,做好眼前工作先。」

頭條日報網