羅敏莊熱愛 TVB

早幾日媽咪姐喺旺角勝利道見到陳國邦同羅敏莊兩公婆十指緊扣行街街,佢哋一身街坊裝,羅敏莊仲冇化妝好師奶,兩個手 fing fing,不知幾有 holiday mood。行行吓,羅敏莊突然好似發現新大陸咁指住前面大叫。唔通有金執?原來佢嗌嘅係:「老公你睇吓,公司架外景車呀!」於是佢兩公婆就好興奮咁走埋去八吓人哋拍乜。

好多人做嗰行厭嗰行,喺一間公司做得耐點都會有啲不滿,TVB成日俾人話刻薄員工,樂大媽(樂易玲)最近仲俾馬德鐘老婆激插,但羅敏莊同老公陳國邦喺無綫撈咗咁多年,見到 TVB個 logo都仲咁興奮,睇嚟佢哋真係好愛公司囉!


陳國邦同羅敏莊難得兩個一齊放假,手拖手喺旺角勝利道行街街,真係好 sweet呀!

羅敏莊行行吓見到遠處泊咗架 TVB外景車,佢突然變得好興奮,指手畫腳話俾老公知。

跟住佢哋就急急腳行埋去同工作人員打牙骱。

忽然1周821期