羅敏莊 陳國邦 拒生BB
 Power抱着Mimi在迪士尼門外合照，Mimi開心到飛起。 |
羅敏莊和陳國邦由拍拖到結婚都恩愛無比，近日結伴到迪士尼享受「星級款待」，羅敏莊興奮地表示婚後老公除疼錫她之外，亦一改以往亂發脾氣的個性。
近日羅敏莊（Mimi）和陳國邦（Power）結伴到迪士尼樂園享受「星級款待」，Power打扮成Mimi最愛的米奇老鼠，逗得伊人開心不已！Mimi興奮地表示婚後老公一改以往胡亂發脾氣的個性，她說：「我哋拍拖嗰時佢有時都會發脾氣，但結咗婚之後佢態度好咗！」
 Mimi餵老公吃米奇老鼠形窩夫，恩愛之情不言而喻。 |
爭取時間陪愛妻
Power直言與Mimi關係更勝從前：「浪漫啲嘅講法就係咗結婚我對佢有承諾，要真係對佢好啲，市井啲嘅講法就係我哋都結咗婚啦！拍拖就話可以鬧分手啫！依家唔通離婚咩！」
Mimi表示Power會盡量爭取時間陪伴她：「有時佢會同我講『老婆，我陪你去做嘢啦！要陪你多啲，我點知你幾時死呀！』可能有啲人會覺得佢咒緊我，但係我明白，佢真係想爭取所有嘅時間陪我！」
不過他們卻沒有生BB的打算，Power說：「其實我哋都算係遲婚，我依家都已經四十幾歲，開始享受緊人生，如果真係生個仔，起碼要等到佢廿幾歲開始穩定，我先會安心，到時我都已經六十幾歲啦！」不過他不排除有可能會領養小孩。
 羅敏莊和陳國邦看見地上寫上兩人Mimi & Power，開心得即場咀嘴。 |
 Power（右二）和Mimi與海盜打扮的工作人員合照，表情趣怪。 |
 Power和Mimi全程糖黐豆，玩盡園內設施。 |
陳國邦換爐頭冧掂羅敏莊
模範夫妻羅敏莊（Mimi）跟陳國邦（Power）由拍拖到結婚都恩愛如昔，近日二人結伴到香港迪士尼樂園享受「星級款待」，Mimi更興奮地表示他們結婚後老公更疼錫她，Power更改掉以往胡亂發脾氣的性格，令Mimi對他更死心塌地。
Mimi當年跟Power只拍了一個月拖便同居，二人更於去年拉埋天窗，轉眼已有八年時間，但二人每天仍有說不盡的話題，Mimi說：「可能因為我哋工作係同一個範疇，每日都會有好多嘢講，佢就好似我老師咁，我好多嘢都要向佢學習，同埋我有咩嘢秘密都一定會同佢講！」原來他們亦非講究浪漫之人，其中最令Mimi感動的竟是Power買了廚房用具給她：「有次我喺外地做完嘢返嚟，返到屋企竟然發現佢幫我換咗個爐頭，可能對好多女仔嚟講呢樣嘢冇乜特別，但係我就真係好感動！」
糖黐豆返工
Power亦表示會盡量爭取時間陪伴Mimi，Mimi甜笑道：「有時佢會同我講『老婆，我陪你去做嘢啦，要陪你多啲，我點知你幾時死呀』，可能有啲人會覺得佢咒緊我，但係我明白，佢真係想爭取所有嘅時間陪我！」
雖然婚姻生活愉快，不過二人卻沒有生仔的打算，Power說：「其實我哋都算係遲婚，我依家都已經四十幾歲，開始享受緊人生，如果生個仔，起碼要等到佢廿幾歲開始穩定我先會安心，到時我都已經六十幾歲啦！」不過二人亦不排除將來改變主意，領養小孩。
 Mimi跟Power到迪士尼樂園拍拖，興奮得像大細路般。 |
 羅敏莊細心餵老公食窩夫，羨煞旁人。 |
 Mimi與Power扮鬼扮馬跟樂園的演員合照。 |
文：專案組
攝：吳文聰
場地：香港迪士尼樂園