MyName's 邦 陳國邦
[ 第 597 期 忽然一週留言集 ] MyName's 邦 陳國邦
若不是馬德鐘與郭羨妮拖累收視，《爭霸》應該幾有可觀性。
有打鬥有謀略有愛情，有千軍萬馬又有壯闊山河，電視劇而已，仲想點？
世事就是這樣，有時機關算盡，時不與我就是時不與我。
像陳國邦，公認好戲之人，但運氣始終欠了一點點。
他出道十八年，電影 + 電視劇 + 舞台劇，數量超過一百，但未真正嘗過主角滋味。他是捉色魔的阿 sir ，是黃飛鴻師弟，是勾踐身邊的謀臣。
真正擔正做主角那次，叫《廣州殺人王之人皮日記》，他做變態狂魔羅樹標，三級的。結果，事業全面拖垮。
或許，這是陳國邦的命。
每個人都有自己的生存範疇，陳國邦不會穿西裝到酒店吃飯，但會跟你討論那家茶餐廳的餐蛋麵好吃。正如我們叫他扮型拍照，他渾身不自在。
「係型就型，點解要扮？唉，幫你們影相，我一路影一路出汗！」
我們都忍俊不禁。根據陳國邦的理論，我們明明在做陳國邦的專訪，但卻要陳國邦做一些陳國邦不會做的事，十分諷刺。
還是陳的女友羅敏莊體貼：「你咪當自己拍緊戲，扮緊占士邦！」
陳國邦一聽，果然豁然開朗。
占士邦已經去到第六代，陳國邦的路，還很長。
 無線派馬德鐘、郭羨妮、劉松仁與陳國邦（右）演《爭霸》，陳國邦排名雖在三人之後，但起碼證明他出得大場面。 |
邦哥
陳國邦理論很多，事無大小，總可以仔細分析。
「做演員，其實是將一個人由思想到說話到行動三個步驟，以倒式推番轉頭，等如我今天接到『文種』這個角色，歷史已把故事寫了出來，我就要推敲他的心態、他的思想。」
「演歷史人物有度好，不論如何荒謬神化，觀眾都不會駁斥。如果『勾踐嘗糞』這件事放到現代，肯定被人說他黐線。演戲過程，就是一個問答過程，換了時裝劇，最重要是問，這個角色咁做合唔合邏輯先……」
演藝學院畢業，肯定有影響。陳國邦八九年畢業，拍過四十八部電影和五十部電視劇，儘管不是一線當紮小生，在行內，後輩已叫他「邦哥」。
 《流金歲月》中陳國邦演活了智障者司徒佳，據說後來無線開拍《阿旺正傳》，就是受「佳佳」啟發。 |
他靦一笑：「先前無線重播《流金歲月》，有些素未謀面的演員走來問我：『邦哥，究竟佳佳點做？』其實無乜特別，我發明了一個做法，就是無論對手跟我說甚麼，我只聽頭一句，其餘都不理，那樣不會離題萬丈，但永遠都差少少。」
陳國邦愛看書，做甚麼角色就看甚麼書。演《潮爆大狀》看法律書；演《爭霸》就看歷史書。平時，看人物傳記。」
「看一本傳記就好像演了一個角色，世上有這麼多出色的人物，為甚麼不看？」
唔記得
不要誤會，陳國邦不是一個執著的嘮囌王。他只是一個很典型的水瓶座，喜惡分明，但愛活在自己的世界。喜歡的事，可以跟你談三日三夜；不感興趣的，無論多重要也不放在心上。他能記牢影像與文字，但看到數字就頭痛。羅敏莊提一提我：「你試下問佢今日係幾號？」
 陳國邦拍了五十部電視劇，最喜歡的，是○三年的《我師傅係黃飛鴻》，「角色係個悲劇人物，好有層次。」 |
陳國邦果然被我們考起，皺一皺眉：「唔……七號？呀唔係，九號，今日要交租。我記日子好渣，淨係記得自己生日，因為好記，『二四六八』， 二月四日 六八年。」
他連自己第一部電影《壯志雄心》被提名台灣「金馬獎」最佳男配角，只說「好似係八九年」，然後抽口煙笑一笑，沒有甚麼所謂。
看得開，因為千帆過盡，沒有甚麼值得執著。
「鬱鬱不得志當然有，我都曾經問過點解自己老竇唔係李嘉誠，但都過了。」
「我第一部電影已提名金馬獎，入到電視台，點解唔係做主角？」
他八九年入無線，專心拍了幾年電視劇，但來來去去都是些三、四線的角色。九四年拍電影《飛虎雄心》，獲提名香港「金像獎」最佳男配角，開始覺得龍游淺水，因而離開無線，再次投身電影圈。
「那時做差佬做到深入民心，行街有人問我係咪輔警。」
 《潮爆大狀》是近年戲份比較重的電視劇。 |
單在九四年，陳國邦拍了九部電影，當中六部做警察，最震撼的要算《屯門色魔》，李家聲是色魔，他是智勇雙全的幹探。
心，是更雄了。轉捩點是之後一年的《廣州殺人王之人皮日記》，陳國邦飾殺了十三個人的變態殺人狂魔，他沒想到連自己的事業也一拼殺了。
無線派馬德鐘、郭羨妮、劉松仁與陳國邦（右）演《爭霸》，陳國邦排名雖在三人之後，但起碼證明他出得大場面。
《流金歲月》中陳國邦演活了智障者司徒佳，據說後來無線開拍《阿旺正傳》，就是受「佳佳」啟發。
陳國邦拍了五十部電視劇，最喜歡的，是○三年的《我師傅係黃飛鴻》，「角色係個悲劇人物，好有層次。」
《潮爆大狀》是近年戲份比較重的電視劇。
三級仔
「那時三級片好盛行，我已推了很多。但『廣州殺人王』這件是真人真事，成段新聞我有 follow ，做得差人多，好想挑戰自己。一個心理變態的殺人王應該點做呢？真係用雙手去接觸女性身體又點呢？好想知自己掂唔掂。」
陳國邦當然掂，但他口中的「差佬」戲完全沒有了。
「我都預會少差佬戲，以為只會無一半， OK 啦，結果全部無晒！個個都叫我做『三級仔』……」
之前的對手是張學友、梁家輝（《新邊緣人》），之後的對手變了徐錦江、鍾淑慧（《南洋十大邪術》），還有一大堆連聽都未聽過的《陽光地獄之人肉市場》、《死蠢》、《割喉》等等爛片。影壇不是沒有立足之地，生活也不成問題，但陳國邦接受不到。
「好心灰，為何香港製作人眼光依然咁狹窄？拍一次三級片就無得翻身？」
九八年，陳國邦選擇到大陸拍劇。「當時大陸仲食緊之前《飛虎雄心》條水，陳國邦個名仲 OK 。
「後悔？當時有。如果不是《廣州殺人王》，我再在電影圈企多幾年，地位應該會幾穩陣。但現在人成熟了，又無乜好後悔。如果讓我一直好紅，我想我會是一個好驕傲的人，別人跟我說話會好提防，我不會聽到真說話，不會有今時今日的體會。現在無論導演、演員都好尊重我，覺得陳國邦係一個真誠人，證明我行路無白廢。」
好在陳國邦個子小小長得年輕，不是跟他計數，不會發現快三十九歲的他原來經歷了很多。
「今日終於明白到，我拍完三級片，係唔應該再做差人。差人形象正義，無可能由一個做完變態佬人飾演。現實根本如此，係我自己先前想唔通。」
 八九年憑《壯志雄心》提名金馬獎男配角，陳國邦的起步，其實十分好。 |
荷里活
二○○○年，陳國邦重返 TVB ，沒有十年前的心高氣傲，實實在在地演戲。
「都好，以前戲做來做去只做別人細佬，現在終於有自己的故事線。」
陳國邦沒有甚麼大智慧，只勝在知足。
「我條路雖不是一帆風順，但不算難行，跌？跌乜！我仲有戲拍仲有飯食，而且仲係食緊一口唔錯飯，起碼今日你會訪問我，好過好多人。」
知足還知足，並不等如妥協。陳國邦仍很有火，要他一輩子做黎耀祥或許紹雄，他不甘心。
 《廣州殺人王》陳國邦交足戲，單看劇照已覺心寒。 |
「當然想做男主角，俾我揀，荷里活我都想去，問題係人要唔要你？想做一線，就係想俾多人睇到自己，話唔定有個鬼佬見到，真係叫我去荷里活；又或者張藝謀睇到，叫我返大陸。
「我就睇下個天要我點行，如果佢話：『陳國邦，我永遠都唔會俾你做主角。』好呀！你又睇下我點！
「我係要同個天鬥，但正面地鬥。」
 初入電影圈時，曾簽約「天幕」，老闆是劉德華。 |
陳國邦在屯門區長大，小時候肺部未出問題時，天天在屯門鄧肇堅運動場跑二十個圈才返學，晚上踩單車入流浮山。「依家唔做得劇烈運動，游水 OK ，潛水肯定唔得。」
八九年憑《壯志雄心》提名金馬獎男配角，陳國邦的起步，其實十分好。
《廣州殺人王》陳國邦交足戲，單看劇照已覺心寒。
初入電影圈時，曾簽約「天幕」，老闆是劉德華。
男主角
若不計在電視圈未有主角做，陳國邦其實幾好運。
他本有肺氣胸病，十多年前病發，兩邊肺先後爆了五次，胸口至背脊有一度長長手術疤痕。
「我天生肺膜厚薄不平均，好易爆肺，好彩每次都係爆一邊，如果兩邊一齊爆，已經死。」
好運的，還包括○二年拍《雲海玉弓緣》，遇到女友羅敏莊，兩人至今形影不離。陳國邦拍照，她做助手，替他執頭執尾。
「有時都唔知自己點做人男朋友，拍拖第一年，已經唔記得 Mimi （羅敏莊）生日，好彩佢唔介意，我先相處到。」
陳國邦表面好像無心裝載，其實也有細心一面。「我之前租村屋， Mimi 鍾意煮食，有日我偷偷地將用廿幾年石油氣爐換， Mimi 發覺時，開心到喊，仲問我點可以忍成日唔出聲。只要日日開心，就唔使記乜乜紀念日……」
陳國邦對女友的愛，從不介意宣之於口。他的個人網頁，第一段新消息是《爭霸》劇情介紹，第二段，已是「羅敏莊在新碟《發燒全女聲 2 》內翻唱了三首英文歌」。
「佢唱歌好有感情，乜歌應該用乜聲線，完全掌握到……我又唔係青春偶像，拍拖無乜唔可以公開。我宗旨係，當你仲想拖佢隻手行街時，你就拖啦！人會變，當未變時就好好珍惜。我鍾意黐住佢，假如佢做訪問，我都會陪佢。」一旁的羅敏莊感動得快哭了。
在她心中，陳國邦早已是「最佳男主角」了。
兩人拍《雲海玉弓緣》時撻著，羅敏莊憶述：「見佢係咁意睇下劇本，點知一埋位就全部對白嘔晒出，連對手戲都記埋，覺得佢好勁！」
撰文：林蕾
攝影：陳志輝
協力：李肇昌
形象：祖芭
髮型及化妝： AngelLouie
場地提供： Tiffany'sNewYorkBar （海景嘉福酒店）
轉載自 忽然1周