明報專訊】明天是無線三十三周年台慶的大日子﹐眾藝員綵排表演節目如火如荼﹐而肥姐(沈殿霞)和陳國邦昨天分別於排練踢撻舞及吊威也時受輕傷﹐間接連累以準時見稱的肥姐老貓燒鬚﹐令得之後的《為食大贏家》錄影遲到近半小時。

肥姐綵排踢撻舞時突感左腳踝疼痛﹐要坐下休息之餘﹐更要噴止痛噴霧。肥姐指自己左腳是「爛腳」﹐左膝又有舊患﹐可能自己身重﹐加上要大力踏地所以受傷﹐不過她有信心明天演出時會沒事。綵排完畢後肥姐隨即趕往中環錄影《為食大贏家》﹐卻遭陳潔靈取笑她道﹕「我頭先衝了幾次燈﹐如果俾差人鬧﹐我會解釋話﹐我約咗肥姐﹐唔遲得﹗」

此外﹐陳國邦跟唐文龍在停車場吊威也練習空中對打﹐陳國邦在落地時不慎撞上佈景板﹐幸好只略為擦損了腳﹐並無大礙﹐相信對演出亦無影響。

來源:明報

【本報記者伊家報道】唐文龍﹑陳國邦昨日在無線停車場﹐偕其他藝員如李龍基﹑林峰﹑張雷﹑郭耀明﹑黃德斌等綵排「火速到賀封神榜」時﹐文龍為咗吊威也﹐搞到似著「現代褲」在半空中飛揚﹐而陳國邦就不慎左腳撞在布景板時給木條擦損皮肉﹐成為記者獵影目標﹐其他人因此被忽視。

文龍表示﹐正式表演時會穿天神戲服﹐跟陳國邦兩人齊齊高空格劍飛越台前﹐昨日著條運動褲排練高台格劍呢一場﹐點不知文龍條波褲俾威也帶一箍﹐當堂搞到文龍成為現代男士﹐至於有份吊威也陳國邦就精的﹐用件大衫遮一遮﹐文龍在完全唔為意之下令人睇到眼突突叫他非常尷尬。

至於另組「百變歌星賀台慶」一節﹐以沈殿霞﹑陳百祥﹑胡楓﹑康華﹑揚明﹑陳霽平等扮哥哥﹐扮王菲﹑霆鋒﹑扮陳慧琳﹐而廠內冷氣太凍﹐各人等候排舞時也幾乎凍病。

來源: 香港新報