陳國邦一講吳文忻即面紅

陳國邦今午一身街市佬打扮出席無線新劇《街市的童話》開鏡儀式，問邦邦他會飾演甚麼角色？他即謂今趟是做羅嘉良的知心好友，還會跟嘉良劇中細妹吳文忻發展一段戀情。記者笑他今次發達啦，同個港姐靚女做戀人，邦邦即刻笑不語，有少少怕羞咁款。

邦邦謂剛完成拍攝《娛樂反斗星》一劇，自己現時手頭上有一部正在北京取景既《尋秦記》，10月開拍《街市的童話》時，便要中港兩邊跑喇，咁奔波咪冇晒娛樂時間？邦邦表示冇娛樂問題唔大，因為現在個心完全放晒落工作上頭。他說中秋節當晚難得幾年來在中秋正日放假，所以約埋一班朋友吃飯及齊齊到維園賞月，他覺得當晚玩得好開心，若間中有咁既娛樂就心滿意足，他唔介意長時間工作，只要耐不耐有些小節目調劑下就OK架喇咁話。

來源:HKCyber